Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu January

“Bantu bazulilwa kuzikombelo zisiyene-siyene alimwi bakomba Leza munzila zinji ziindene-indene. Ino muyeeya kuti Leza ulimvwa buti kujatikizya makani aaya? [Amulindile bwiinguzi.] Amubone Jesu ncaakayiisya kujatikizya makani aaya.” Amumutambike mukamwini ŋanda Ngazi Yamulindizi ya October–December akulanga-langa antoomwe twaambo tuli ansi aakatwe kakusaanguna kali apeeji 16 alimwi alugwalo lomwe lutazubulwidwe. Amwaabile mamagazini, mpoonya amupange bubambe bwakupilukila kutegwa mukabandike mubuzyo uutobela.

Ngazi Yamulindizi October–December

Ikuti kamubandika amuntu uukwete naa uukwetwe mulakonzya kusola nzila eeyi: “Ncinzi ncomwabona kuti nenzila mbotu iimugwasya kupona muluumuno angomukwetene limwi? [Amulindile bwiinguzi.] Amubone kapango aaka kamu Bbaibbele mbokakankaizya mbociyandika kuti banabukwetene kabasala majwi nobabandika. [Amubale Bakolose 4:6.] Magazini eeyi ilabandika kubelesya njiisyo eeyi mbokukonzya kugwasya kuba aluumuno muŋanda.”

Sinsimuka! October–December

“Ncinzi ncomuyeeya kuti mukubusi weelede kucita nalibambila kukomena? [Amulindile bwiinguzi. Mpoonya amubale Baefeso 4:14.] Kutegwa ‘ataibaulwi amayuwe akupepaulwa,’ mukubusi weelede kuzyiba njiisyo zikonzya kumugwasya kupona kabotu. Magazini eeyi ilapandulula bakubusi mbobakonzya kuba amaano, kwiiya zyintu kubapati, alimwi akwiiya milimo.”