Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu January

“Bunji bwabantu bajisi mizeezo iindene-indene kujatikizya Leza. Bamwi bayeeya kuti Leza ninguzu zitazyibidwe kabotu naa zitalibonyi. Ibamwi bamubona kuti ngu Taata wakujulu siluyando. Ino nywebo muyeeya kuti Leza uli buti?” Amulindile bwiinguzi. Amubatondezye Ngazi Yamulindizi ya January 1 nkoili kunze, mpoonya mubandike ambabo makani aajatikizya mubuzyo wakusaanguna alimwi akubala lugwalo lomwe akati kamagwalo aabikkidwe. Amubaabile mamagazini, alimwi akupangana kuti mukapilukile kuzoolanga-langa mubuzyo uutobela.

Ngazi Yamulindizi January 1

“Tuyabuswaya bantu kuti tubandike cintu cimwi citujatikizya toonse​—lufwu lwamuyandwa wesu. Sena mulazumina kuti kufwidwa mulongwe naa wacibbululu ncintu cimwi cicisa kapati? [Amulindile bwiinguzi.] Ibanji baumbulizyigwa akapango aaka kamu Bbaibbele. [Amubale Isaya 25:⁠8.] Magazini eeyi ilabandika cisyomezyo camu Bbaibbele cuumbulizya kapati cakuti lufwu luyoomana alimwi akuti bayandwa besu bayoobusyigwa.”

Sinsimuka! January

“Sena mulazumina kuti mazuba aano mikwasyi ili mumapenzi manji? [Amulindile bwiinguzi.] Ikaambyo aaka kamu Bbaibbele katwaambila cintu mukwasyi ncoweelede kuba ancico kutegwa uyume. [Amubale Tusimpi 24:⁠3.] Ibanji bajana kuti Bbaibbele ndelijisi busongo bugwasya. Magazini eeyi ijisi makani aajatikizya Web site iilibedelede iyaamba zyamu Bbaibbele alimwi ilijisi amakani aatabbadelelwi aakonzya kugwasya mikwasyi.”