Zitondezyo Zyacikozyanyo

Makani aa Bwami Na. 38

“Nditola lubazu mumulimo uucitwa nyika yoonse wakwaabila mulumbe uuyandika kapati. Nkaaka katulakiti kajisi mulumbe ooyu.”

Amubone kuti: Ikutegwa mukambaukile bantu banji mucilawo canu, inga cabota kuti kamuufwiinsya mubandi wanu. Nokuba boobo, zimwi ziindi mukamwini ŋanda inga watondezya kuti ulayanda kuzumanana kubandika. Ikuti kacili boobo, inga mwamubuzya mbwalimvwa kujatikizya mubuzyo uuli kumatalikilo, amumubalile bwiinguzi bwamu Bbaibbele ibuli mukati, alimwi akubala cibeela cimwi cili mukatulakiti, ikuti kakucili ciindi. Kamutanaunka, amumutondezye mubuzyo uulembedwe nkokali kunze katulakiti ansi aamajwi aamba kuti “Ino Muyeeya Buti?” mpoonya amupangane kuyoopilukila kutegwa mukaubandike mubuzyo ooyo.

Ngazi Yamulindizi November 1

“Ino muyeeya kuti nkubeja kuli buti kupati kwakaambwa kujatikizya Leza? [Amulindile bwiinguzi.] Kweelana ancolyaamba Bbaibbele, Leza uyanda kuti bantu kabamuyanda akumusyoma. [Amubale Isaya 41:13.] Magazini eeyi ilakubikka antangalala kubeja kotatwe kudumide kujatikizya Leza, ikwapa kuti bantu bamwi cibayumine kuba acilongwe a Leza.”

Sinsimuka! November

“Twamuswaya akaambo kakuti bantu banji balalibilika kuti bantu tabacililemeki. Sena muyeeya kuti bantu tabacibikkili kapati maano kumakani aakulilemeka? [Amulindile bwiinguzi.] Bbaibbele lyakaambila limwi kuti kulilemeka kwabantu kuyoocinca. [Amubale 2 Timoteyo 3:1-5.] Magazini eeyi ilaamba kaambo ncotweelede kusyoma ncolyaamba Bbaibbele kujatikizya kulilemeka.”