Zitondezyo Zyacikozyanyo
Kutamba Bantu ku Ciibalusyo
“Tuyaabwaabila kapepa kakutamba bantu kumuswaangano uuyandika kapati. Mu April 14, mamiliyoni aabantu nyika yoonse bayakubungana kwiibaluka lufwu lwa Jesu Kristo alimwi akuswiilila makani aa Bbaibbele aatabbadelelwi aajatikizya mbolutugwasya lufwu lwakwe. Kapepa aaka kalatondezya busena alimwi aciindi nuuyoocitwa muswaangano mucilawo cesu.”
Ngazi Yamulindizi April 1
“Tuyaabuswaya kwakaindi kaniini kutegwa tubandike cintu cimwi ncobacita bantu banji. Bunji bwabantu balapaila, tacikwe makani acikombelo cabo. Sena muyeeya kuti Leza ulaingula mipailo, naa muyeeya kuti itupa buyo kulimvwa kabotu ciindi notujisi mapenzi? [Amulindile bwiinguzi.] Amubone ncolyaamba Bbaibbele kujatikizya mupailo. [Amubale 1 Johane 5:14.] Magazini eeyi ilapandulula mbotugwasyigwa amupailo.”
Sinsimuka! April
“Twamuswaya kutegwa tumugwasye kujatikizya penzi liyaabuduma. Bantu bamwi balatyompwa kapati akaambo kamapenzi aabo cakuti inga bayeeya kulijaya. Ciindi muntu natyompedwe boobu, sena muyeeya kuti inga uyanda ncobeni kufwa, naa inga uyanda buyo kumana mapenzi aakwe? [Amulindile bwiinguzi.] Amubone cisyomezyo eeci camu Bbaibbele icagwasya bantu banji kuzumanana kuzilanga munzila yeelede zintu. [Amubale Ciyubunuzyo 21:3, 4.] Magazini eeyi ilaamba twaambo totatwe muntu nceelede kuzumanana kupona nokuba kuti ulijisi mapenzi.”