Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu March

“Twamuswaya kutegwa tumwaambile ciyoocitika mu April 14. Mubuzuba oobu tuyakwiibaluka lufwu lwa Jesu. Bamwi bayakwiibaluka lufwu lwa Jesu nkaambo balimvwa kuti lufwu lwakwe lulayandika kapati. Bamwi tabali masimpe naa lufwu lwa Jesu lulayandika kapati. Sena muyeeya kuti lufwu lwa Jesu lulatugwasya?” Amulindile bwiinguzi. Amubatondezye Ngazi Yamulindizi ya March 1 nkoili kunze, mpoonya mubandike ambabo makani aajatikizya mubuzyo wakusaanguna alimwi akubala lugwalo lomwe akati kamagwalo aabikkidwe. Amubaabile mamagazini, alimwi akupangana kuti mukapilukile kuzoolanga-langa mubuzyo uutobela.

Ngazi Yamulindizi March 1

“Bantu banji balagambwa ikaambo Leza ncataamani mapenzi alimwi akutalulama kuli munyika. Sena muyeeya kuti nkaambo kakuti Leza tabikkili maano naa nkaambo kakuti umvwa kabotu kubona bantu kabapenga? [Amulindile bwiinguzi. Mpoonya mubale lugwalo lwa Johane 3:16.] Nokuba kuti bantu banji balaluzubulula lugwalo oolu kutondezya kuti Leza ulatubikkila maano, tabali masimpe kujatikizya mbobagwasyigwa alufwu lwamwana wa Leza. Magazini eeyi ilapandulula lufwu lwa Jesu mbolupa kuti cikonzyeke kumana mapenzi alimwi akutalulama kuli munyika.”

Sinsimuka! March

“Twamuswaya kutegwa tusalazye makani aatali aamasimpe bantu ngobaamba kujatikizya kapango aaka kamu Bbaibbele. [Amubale Matalikilo1:1.] Bamwi basyoma kuti bubumbo bwakalengwa buya, kakuli bamwi tabasyomi oobo. Ino nywebo muyeeya buti? [Amulindile bwiinguzi.] Banji cilabakatazya kusyoma kuti zintu zyakalengwa buya akaambo kakuti basololi bazikombelo bayiisya makani aatako mu Bbaibbele. Magazini eeyi ilatondezya bupanduluzi butobeleka alimwi busyomeka mbolipa Bbaibbele kujatikizya matalikilo aabubumbo.”