Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu March

“Muziindi eezyi zikatazya, toonse tulasikilwa mapenzi aapa kuti kube buyumuyumu mumikwasyi. Ino muyeeya kuti nkookuli nkotukonzya kujana lulayo lukonzya kutugwasya kuba aalukkomano mumukwasyi?” [Amulindile bwiinguzi.] Mpoonya amumupe mukamwini ŋanda Ngazi Yamulindizi ya January–March akubandika anguwe twaambo tuli ansi aakatwe kamakani komwe akati aatutwe tuli apeeji 16 alimwi a 17 kubikkilizya alugwalo lomwe lubikkidwe. Amwaabile mamagazini, akupangana kuti mukapilukile kuzoobandika mubuzyo aumwi.

Ngazi Yamulindizi January–March

“Bamwi bantu babona mbuli kuti ncolyaamba Bbaibbele kujatikizya makani aakoonana tacicibeleki alimwi taciyandiki kutobela. Bamwi balazumina ncolyaamba Bbaibbele. Ino nywebo muyeeya buti? [Amulindile bwiinguzi.] Amubone lugwalo oolu ncolwaamba kujatikizya yooyo wakabikka zyeelelo zyamu Bbaibbele. [Amubale 2 Timoteyo 3:16.] Magazini eeyi ilatondezya Bbaibbele mboliingula mibuzyo iili kkumi iibuzyigwa-buzyigwa abantu kujatikizya koonana. Alimwi ilapandulula mbozikonzya kutugwasya zyeelelo zyamu Bbaibbele.”

Sinsimuka! January–March

“Sena muyeeya kuti bumwi buzuba Leza uyakwaamana mapenzi aali munyika? [Amulindile bwiinguzi.] Amubone cisyomezyo eeci camu Bbaibbele citupa bulangizi. [Amubale Ciyubunuzyo 21:4.] Magazini eeyi ilatondezya ncolyaamba Bbaibbele kujatikizya Leza mbwayakwaamana mapenzi oonse alimwi anayakucita oobo.”