Zitondezyo Zyacikozyanyo

Kutamba Bantu ku Ciibalusyo

“Tuyaabwaabila kapepa kakutamba bantu kumuswaangano uuyandika kapati. Mu April 3, mamiliyoni aabantu nyika yoonse mbwiizulwa bayakubungana kwiibaluka lufwu lwa Jesu Kristo alimwi akuswiilila makani aa Bbaibbele aatabbadelelwi aajatikizya mbolutugwasya lufwu lwakwe. Kapepa aaka kalatondezya busena alimwi aciindi nuuyoocitwa muswaangano mucilawo cesu.”

Ngazi Yamulindizi March 1

“Mu April 3 nokunooli Ciibalusyo calufwu lwa Jesu Kristo. Bamwi mucilawo cesu bayooswaangana mubuzuba oobu ikuyeeya lufwu oolu, pele kuli bantu bamwi ibayeeya kuti lufwu lwa Jesu taluyandiki kapati. Ino nywebo muyeeya buti? Sena muyeeya kuti lufwu lwa Jesu alimwi abubuke bwakwe zilatugwasya? [Amulindile bwiinguzi.] Amubone ncolyaamba Jwi lya Leza kujatikizya kaambo aaka. [Amubale 1 Bakorinto 15:22, 26.] Magazini eeyi ilabandika bubotu bwakumbele bwacipaizyo cacinunuzyo ca Jesu—bwakuti bumwi buzuba kunyina muntu naba omwe anyika uuyoofwa.”

Sinsimuka! March

“Tuyaabuswaya basimukoboma kwakaindi kasyoonto kutegwa tubatondezye magazini ya Sinsimuka! eeyi mpya. [Amubatondezye civwumbyo camagazini.] Muntu amuntu kuli mbwayeeya kujatikizya mubuzyo ooyu wakusaanguna wakuti: ‘Sena Leza Nkwali?’ Mukuyeeya kwanu, mbaani bajisi bulangizi bubotu bwakumbele—sena mbabaabo basyoma muli Leza naa aabo batasyomi? [Amulindile bwiinguzi.] Nceeci cisyomezyo cizwa kuli Leza icipa bantu banji kuba abulangizi. [Amubale Intembauzyo 37:10, 11.] Magazini eeyi ilapa twaambo tone itutondezya naa Leza nkwali.”