Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu September

“Bantu banji balasyoma mubangelo. Sena andinywe mulasyoma? [Amulindile bwiinguzi.] Mbobali zilenge zyamuuya, bangelo balijisi nguzu kapati, pele sena muyeeya kuti inga batugwasya? Bbaibbele lilatwaambila mbuli mbobabagwasya bantu mazubaano.” Amubatondezye Ngazi Yamulindizi ya September 1 nkoili kunze, mpoonya mubandike ambabo mubuzyo wakusaanguna alimwi akubala lugwalo lomwe lubikkidwe. Amubaabile mamagazini, alimwi akupangana kuti mukapilukile kuzoobandika mubuzyo uutobela.

Ngazi Yamulindizi September 1

“Sena muyeeya kuti bantu bainyonyoona nyika cakuti taikonzyi kubambululwa? [Amulindile bwiinguzi.] Nokuba kuti bantu tabakonzyi kubambulula zintu nzyobanyonyoona, Ibbaibbele litwaambila kuti Leza ulakonzya kubambulula alimwi uliyandide kapati kucita oobo. Tulijisi cisyomezyo eeci mulugwalo lwa Intembauzyo 65:9. [Amubale.] Magazini eeyi ya Ngazi Yamulindizi ilabandika mbuli Jehova mbwayakwiilanganya nyika alimwi ambotukonzya kukkomana azileleko zyakumbele. Sena inga ndamusiila kuti mubale?”

Sinsimuka! September

“Bantu banji balimvwa kuti balabelesyegwa kapati abasikubalemba milimo, alimwi tabajisi nzila mbobakonzya kulimana penzi eeli. Basyaazibwene baamba kuti kubeleka kapati kupa kukatala kapati mumizeezo, kulakonzya kuleta penzi lyakumubili alyamumizeezo. Ino muyeeya kuti ncinzi cikonzya kugwasya muntu kuzilanga kabotu zintu? [Amulindile bwiinguzi.] Nkaaka kapango kamu Bbaibbele kakonzya kumugwasya kukkala aansi kuyeeya. [Amubale Mukambausi 4:6.] Magazini eeyi ilapandulula nzila zyone zigwasya mbotukonzya kucinca kujatikizya zintu nzyotucita alimwi ambotukonzya kumana penzi lyakukatala kapati mumizeezo notuli kumilimo.”