“Tandicimujani Aŋanda Alimwi!”

Sena kuli nomwakaambide kale oobu kujatikizya muntu wakatondezya luyandisisyo? Nokuba kuti mwasoleka cakwiinduluka-induluka kumuswaya muntu ooyo, mwaalilwa kutilila mbuto yakasimpe njomwakasyanga. (1Kor. 3:6) Zimwi ziindi, basikumwaya bacibwene balemba lugwalo kumuntu ngobatali kukonzya kujana aŋanda, naa kusiya kagwalo amulyango wakwe. Basikumwaya bamwi balibambilila limwi kubuyumuyumu bwakutajana muntu aŋanda alimwi, aboobo balalomba namba yafooni yakwe ambweni kwiinda mukwaamba kuti, “Sena mulijisi fooni?” Lweendo lwakupilukila inga lwabalwa ciindi nomuswaya muntu naa nomumukambaukila kwiinda mukumulembela lugwalo, kagwalo kaakkompyuta, kagwalo kaafooni, kagwalo nkomwasiya amulyango wakwe, naa kumutumina fooni. Nokuba kuti tajaniki-janiki aŋanda, tulakonzya kumugwasya kuti luyandisisyo lwakwe luzumanane kuyaambele.