Amwaabile “Zintu Zibotu” Kwiinda Mukusamausya Beenzu (Mt. 12:35a)

Tacidoonekwi kuti toonse tulayanda kwaabila bamwi “zintu zibotu” kwiinda ‘mukuba acilengwa cakusamausya beenzu.’ (Rom. 12:13) Baalu balaililwa kuba kumbele mukusamausya beenzu kwiinda mukubapa mali aakukkwezya baambi baswaya alimwi akubabambila cakulya. Nokuba boobo, ambweni swebo tulawayawaya kusamausya beenzu akaambo kakuti tuli bacete, naa ambweni tulalibilika kapati kuswaigwa. Kulubikkila maano lulayo lwa Jesu ndwaakapa Marta kulakonzya kutugwasya kuleka kulimvwa boobo. (Lk. 10:39-42) Wakakankaizya kuti “cibeela cibotu” cakusamausya beenzu nkuyanzana alimwi akukulwaizyanya ikutali zyakulya zilibedelede naa ŋanda yeebeka kapati. Kwiinda mukubelesya lulayo oolu, tulakonzya kwaabilana “zintu zibotu” abakwesu kweelana ancolyaamba Jwi lya Leza.—3Joh. 5-8.