Kuyungizya Luzyibo Lwesu Mumulimo Wakukambauka—Kwiingula Mukamwiniŋanda Uunyemede

Kaambo Ncociyandika: Bantu banji mbotuswaanganya mumulimo wakukambauka balaabulemu. Nokuba boobo, Jesu wakasinsima kuti bantu bamwi bayootusulaika. (Joh. 17:14) Aboobo taceelede kutugambya ciindi notujana mukamwiniŋanda uunyemede. Ikuti naa eeci cacitika, tuyanda kwiingula munzila iikomanisya yooyo ngotwiiminina, Jehova. (Rom. 12:17-21; 1Pet. 3:15) Kucita boobo, inga capa kuti ataindili kunyema. Alimwi inga capa bumboni kuli mukamwiniŋanda alimwi abasikulangilila bali boonse, calo icikonzya kubapa kuti bakaswiilile ciindi ciboola baakuswaigwa a Bakamboni ba Jehova alimwi.—2Kor. 6:3.