Kuyungizya Luzyibo Lwesu Mumulimo Wakukambauka—Kutalisya Ciiyo ca Bbaibbele Kubelesya Broshuwa yakuti Makani Mabotu Aazwa Kuli Leza!
Ikaambo Ncociyandika: Kutegwa tugwasye bantu kuba basikwiiya, tweelede kuba bamayi ba Jwi lya Leza. (Mt. 28:19, 20) Toonse tulakonzya kubayiisya kabotu bantu kasimpe kwiinda mukuzibelesya kabotu zibelesyo nzyotupedwe. Broshuwa yakuti Makani Mabotu Aazwa Kuli Leza! ibambilidwe kutugwasya kuyiisya bantu kasimpe. Tulakonzya kwiibelesya kutalisya ciiyo ca Bbaibbele kuli mukamwini ŋanda mulweendo lwakusaanguna.
Amusole Kucita Eeci Mwezi Uuno:
Amupaile kutegwa mube aluyandisisyo lwakusololela ciiyo. Alimwi amumulombe Jehova kutegwa amugwasye kutalisya ciiyo ca Bbaibbele akuba mwiiyi wakasimpe uucibwene.—Flp. 2:13.
Aciindi ca kukomba mumukwasyi naa nomucita ciiyo canu nobeni, amuciinduluke citondezyo cacikozyanyo akucizyiba kabotu. Kucita boobo kulakonzya kumugwasya kubandika cabusungu alimwi akutalisya ciiyo ca Bbaibbele ciindi nomuli mubukambausi.