AMUSUNGWAALE MUMULIMO WAMUMUUNDA
Kuyungizya Luzyibo Lwesu Mumulimo Wakukambauka—Kulibambila Nzila Yanu Nobeni Yakwaabila Mamagazini
KAAMBO NCOCIYANDIKA: Nokuba kuti zitondezyo zyacikozyanyo izibikkidwe mukabbuku kamiswaangano zilapa twaambo tugwasya, nzila eezyi nzyakumupa buyo muzeezo. Mweelede kubelesya majwi aanu nobeni. Mulakonzya kubelesya nzila iimbi iindene naa kusala makani aambi aakonzya kugwasya mucilawo canu. Ikuti kacili boobo, mwamana kubala magazini, kulanga-langa zitondezyo zyacikozyanyo, alimwi akweebelela zitondezyo izili mutumavidiyo, mulakonzya kubelesya nzila zitobela kutegwa mulibambile nzila yanu nobeni.
MBOTUKONZYA KUCITA OOBO:
Amulibuzye kuti, ‘Sena ndiyanda kubelesya imwi yanzila zipedwe muzitondezyo zyacikozyanyo?’
INZYA
Amulibambile majwi aantalisyo. Mwamana kwaanzyanya, amwaambe kaambo ncomwaswaila. (Mucikozyanyo: “Ndamuswaya . . . ”)
Amuzyibe ncomukonzya kwaamba mwamana kubuzya mubuzyo, kubala lugwalo alimwi akwaabila. (Mucikozyanyo: Kuti muyanda kubala lugwalo mulakonzya kwaamba kuti, “Bwiinguzi bukkazika moyo kumubuzyo ooyo bujanika waawa.”)
PEEPE
Amusale makani aamukkomanisya kuzwa mumagazini alimwi aakonzya kubakkomanisya bantu mucilawo canu
Amusale mubuzyo uukonzya kubapa kwaamba mbobayeeya alimwi uukonzya kupa kuti mubandi uzumanane, pele kutali mubuzyo uukonzya kubapa kufwa nsoni bamukamwiniŋanda. (Mucikozyanyo: Mibuzyo iili apeeji 2 mumamagazini.)
Amusale lugwalo lwakubala. (Ikuti naa mwaabila Sinsimuka! inga mwasala kubala lugwalo naa pe, mbwaanga magazini eeyi yakalembelwa bantu bajisi luzyibo lusyoonto lwamu Bbaibbele alimwi ambweni ibatasyomi bukombi.)
Amulibambile majwi masyoonto aapandulula mbwakonzya kugwasyigwa mukamwiniŋanda ikuti wacibala cibalo
IN EITHER CASE
Amulibambile mubuzyo uuyakwiingulwa mulweendo lwakupilukila
Amulembe twaambo tukonzya kumugwasya kuyeeya ncomuyanda kuyakwaamba lweendo lutobela