Amubayiisye Kuzumanana Kumubelekela Jehova

Zyakuluula zitondezya kuti basikumwaya bapya ibayiisyigwa kuzwa kumatalikilo kuba basungu lyoonse mumulimo wakukambauka, kanji-kanji balaba basikumwaya bacibwene. (Tus. 22:6; Flp. 3:16) Nzyeezyi nzila zimwi nzyomukonzya kubelesya kugwasya sikwiiya Bbaibbele kuba antalisyo mbotu yamubukambausi:

• Sikwiiya wanu mbwaabeda buyo sikumwaya, amutalike kumuyiisya. (km 8/15 1) Amumuzyibye mbociyandika kuba abubambe bwakuunka mumulimo wakukambauka nsondo ansondo. (Flp. 1:10) Amwaambe zintu zikulwaizya kujatikizya cilawo canu. (Flp. 4:8) Amumukulwaizye kubeleka antoomwe amulangizi wakabunga alimwi abasikumwaya bamwi kutegwa agwasyigwe aluzyibo ndobajisi.—Tus. 1:5; km 10/12 6 munc. 3

  

• Amana kubbapatizyigwa sikwiiya wanu, mutaleki kumukulwaizya akumuyiisya mubukambausi, kwaambisya kuti katanamanizya kuliiya bbuku lya “Luyando lwa Leza.”—km 12/13 7

  

• Amubelesye nzila nguba-uba ciindi nomubeleka asikumwaya mupya mumulimo wamumuunda. Mwamana kuswiilila nzila njaabelesya kupa bumboni, amumulumbaizye kuzwa ansi aamoyo. Amumwaambile nzila zikonzya kumugwasya kutegwa abe sikumwaya uucibwene.—km 5/10 7