Cilengaano Iciyumya Lusyomo

9:1-7

Amweezyeezye buyo mbwaakalimvwa Jesu ciindi naakabamvwa Bausyi bakujulu kabaambilizya kuti balamukkomanina ciindi naakasanduka mucilengaano. Tacidoonekwi kuti eeci cakamuyumya-yumya Jesu kujatikizya mapenzi aakali kuyoomucitikila. Alimwi cilengaano eeci cakamujatikizya kapati Petro, Jakobo alimwi a Johane. Cilengaano cakabapa kusyoma kuti Jesu wakali Mesiya ncobeni, alimwi akuti bakeelede kumuswiilila. Nokwakainda myaka iibalilwa ku 32, Petro wakacili kuyeeya cakacitika alimwi ambocakayumya lusyomo lwakwe ‘mujwi lyabusinsimi.’—2Pet. 1:16-19.

Nokuba kuti swebo kutugama tiitwakacibona cilengaano eeci cigambya, tulabona mbocili mukuzuzikizyigwa. Jesu ulalela kali Mwami singuzu. Ino-ino, ‘uyoomanizya kuzunda kwakwe,’ kutegwa ajalule nzila yanyika mpya yabululami.—Ciy. 6:2.

Ino lusyomo lwanu lwayumizyigwa buti kwiinda mukubona kuzuzikizyigwa kwabusinsimi bwamu Bbaibbele?