Luyando Ndoluzyibya Banakristo Bakasimpe​—Amulukwabilile Lukamantano Lutaliboteli

IKAAMBO NCOCIYANDIKA: Busiku katanafwa, Jesu wakapaila kuti basikwiiya bakwe “bakamantane boonse.” (Joh. 17:23, bupanduluzi buyungizidwe) Kutegwa tuzumanane kukamantana, tweelede kutondezya luyando, lwalo ‘ilutabikkilili.’—1Kor. 13:5.

MBOMUKONZYA KUCITA OOBO:

• Amumwiiye Jehova kwiinda mukubona bubotu muli bamwi

• Amulekelele camoyo oonse

• Mwamana kubamba twaambo, tamweelede kutubusya alimwi.—Tus. 17:9

AMWEEBELELE KAVIDIYO KAKUTI “AMUBE ALUYANDO AKATI KANU”—MUTABIKKILILI, MPOONYA MWIINGULE MIBUZYO IITOBELA:

• Mukabeela kakusaanguna kakavidiyo, mbuti ba Mwaka mbobatondezya kuti ‘bakabikkilila’?

• Mukabeela kabili kakavidiyo, mbuti ba Mwaka mbobakuzunda kuyeeya kutali kabotu alimwi akutalika kuzilanga munzila yeelede zintu?

• Kumamanino, mbuti ba Mwaka mbobagwasyilizya kuti mbungano izumanane kukamantana?