“Nyika Yoonse Yakajisi Mwaambo Omwe”

11:1-4, 6-9

Ku Babelo, Jehova wakapa kuti bantu bazangi bamwaikizyanye kwiinda mukunyonganya mwaambo wabo. Mazuba aano, ubunganya nkamu mpati yabantu kuzwa muzisi zyoonse amumyaambo yoonse mpoonya akubapa “mwaambo uusalala” kutegwa “kabaita zina lya Jehova, akuti kabamubelekela calukamantano.” (Zef. 3:9; Ciy. 7:9) Ooyu “mwaambo uusalala,” nkasimpe kajatikizya Jehova alimwi amakanze aakwe aajanika mu Magwalo.

Kuli zinji zijatikizyidwe mukwiiya mwaambo mupya kunze buyo aakuswatila mabala mapya. Kuyandika kwiiya kuyeeya munzila mpya. Mbubwenya buyo, ciindi notwaiya mwaambo uusalala wakasimpe, mizeezo yesu ilacinca. (Rom. 12:2) Eeci ncintu ncotweelede kuzumanana kucita calo icipa kuti bantu ba Leza kabakamantene.—1Kor. 1:10.