MBONO IZILI MU JWI LYA LEZA | MATALIKILO 15-17
Nkaambo Nzi Jehova Ncaakamucinca Zina Abramu Alimwi a Sarai?
Jehova wakabona Abramu kuti wakanyina kampenda. Ciindi naakaambila Abramu makani aambi kujatikizya cisyomezyo cakwe, wakapa Abramu alimwi a Sarai mazina aakali kwaamba cakali kuyoocitika kumbele.
Kweelana ancaamba mazina aabo, Abrahamu wakaba usyi wamisyobo minji mpoonya Sara wakaba kaapanyina wabami.
Abrahamu
Usyi wa Makamu
Sara
Namalelo
Tatukonzyi kulisalila zina ndyotweelede kupegwa ciindi notwazyalwa. Nokuba boobo, mbubwenya mbuli Abrahamu alimwi a Sara, tulakonzya kulipangila zina libotu. Amulibuzye kuti:
‘Ncinzi ncondeelede kucita kutegwa Jehova andibone kuti ndinyina kampenda?’
‘Ino ndibamba zina lili buti a Jehova?’