Amutembaule Jehova Kwiinda Mukuba Bapainiya

Bana Israyeli bakajisi twaambo tubotu itwakabapa kumutembaula Jehova. Wakabagwisya mu Egepita akubavwuna kumpi ya Farao. (Kul. 15:1, 2) Jehova wazumanana kubacitila zintu zibotu bantu bakwe. Ino inga twatondezya buti kulumba?—Int. 116:12.

Nzila imwi nkwiinda mukucita bupainiya bwakugwasyilizya naa bwaciindi coonse. Mulakonzya kupaila kulomba kuba amakanze alimwi anguzu zyakucita bupainiya. (Flp. 2:13) Banji balatalika kwiinda mukucita bupainiya bwakugwasyilizya. Mulakonzya kusala kubeleka mawoola aali 30 naa 50 mumwezi wa March a April alimwi amwezi mulangizi wabbazu naswaya mbungano yanu. Mwabona bubotu mbomwajana akaambo kakucita bupainiya bwakugwasyiliza, ambweni inga mwayanda kutalika bwaciindi coonse. Nobaba baabo ibabeleka mulimo wakumubili naa baciswa-ciswa, balakonzya kucita bupainiya bwaciindi coonse. (mwb16.07 8) Masimpe, Jehova uleelela kutembaulwa!—1Mak. 16:25.

AMWEEBELELE KAVIDIYO KAKUTI BANABOKWABO BOTATWE BAKU MONGOLIA, MPOONYA MWIINGULE MIBUZYO IITOBELA:

• 

  Ino mbuyumuyumu nzi banabokwabo botatwe mbobakazunda kutegwa bacikonzye kucita bupainiya?

• 

  Ino nzilongezyo nzi nzyobajana?

• 

  Ino nzyoolwe nzi zipya zyakubelekela Jehova nzyobakaba anzizyo akaambo kakucita bupainiya?

• 

  Ino cikozyanyo cabo cakabajatikizya buti bamwi?