Sena Mulakonzya Kwaaba Ciindi Canu Alimwi Anguzu Zyanu?

Kweelana ambwaakasinsima Isaya, mbunga ya Jehova yaanyika, iyaabukomena kapati kwiinda kaindi. (Is. 54:2) Eeci cipa kuti kuyandike kuyaka Maanda aa Bwami mapya, Maanda Aakucitila Miswaangano Mipati alimwi amitabi. Amana kuyakwa, mayake aaya ayandika kubambwa alimwi mukuya kwaciindi aamwi ayandika kubambululwa. Ino eeci citupa coolwe nzi caboola kukwaaba ciindi cesu alimwi anguzu zyesu kuli Jehova?

• Tulakonzya kutola lubazu ciindi kabunga kesu nokali nkako kasalazya Ŋanda ya Bwami

• Tulakonzya kulyaaba kutegwa tuyiisyigwe mboyeelede kubambwa Ŋanda yesu ya Bwami

• Tulakonzya kulemba Foomu Yakulembela Mulimo Wakulisungula Wamayake mu LDC (DC-50) kutegwa zimwi ziindi katugwasyilizya mumulimo wakuyaka alimwi akubambulula uucitwa kufwaafwi ankotukkala

• Tulakonzya kulemba foomu ya Kulembela Mulimo Wakulisungula (A-19) mpoonya akulyaaba kugwasyilizya kwansondo yomwe naa kwiinda waawo mucilawo camutabi wesu, mbuli ku Beteli naa kumayake aambi aamutabi

AMWEEBELELE KAVIDIYO KAKUTI MAKANZE AALIKO AAKUYAKA MAYAKE MAPYA​—KABEELA BUYO, MPOONYA MWIINGULE MIBUZYO IITOBELA:

• Ino nkuyaambele kuli buti ikwaba mukubelesya mavidiyo kuzwa mu 2014?

• Kutegwa lyoonse kaaliko mavidiyo aayandika mubukombi bwesu, ino mulimo nzi uulibambilwa kucitwa, ino uyootalika lili alimwi uyoomana lili?

• Ino basikulisungula inga bagwasyilizya buti mumulimo ooyu?

• Ikuti katuyanda kugwasyilizya mumulimo wamayake mupati, nkaambo nzi ncotweelede kulemba foomu ya DC-50 alimwi akugwasyilizya mumulimo wamayake uucitwa aba LDC kufwaafwi ankotukkala?

• Ino mbumboni nzi buliko ibutondezya kuti Jehova uli mukuusololela mulimo ooyu?

• Ino mbuti mbotukonzya kuugwasyilizya mulimo ooyu nokuba kuti tatukonzyi kutola lubazu cacigaminina mumayake?