Mulimo Waalubazu Wakwaambilizya Bwami bwa Leza mu November

Jesu wakaambilizya “makani mabotu aa Bwami bwa Leza.” (Lk. 4:43) Alimwi wakayiisya bantu kupailila Bwami oobu. (Mt. 6:9, 10) Mu November, tuyoobeleka canguzu kwaambilizya Bwami bwa Leza. (Mt. 24:14) Aboobo amutalike kulibambila lino kutegwa mukatole lubazu mumulimo ooyu waalubazu. Boonse aabo ibacita bupainiya bwakugwasyilizya balakonzya kusala kubeleka mawoola aali 30 naa 50 mumwezi ooyu.

Amukasolekesye kubala lugwalo ilwaamba zya Bwami bwa Leza kubantu banji ibali mucilawo canu. Ciindi nomusala lugwalo lwakuyoobala, amuzibikke mumizeezo njiisyo nzyobasyoma baswiilizi banu. Ikuti naa umwi watondezya luyandisisyo mulweendo lwakusaanguna, amumupe magazini yakubuleya ya Ngazi Yamulindizi No. 2 2020. Mpoonya amupilukile kumuntu ooyo kakutanainda ciindi, alimwi amusole kutalisya ciiyo ca Bbaibbele kwiinda mukubelesya cakumwaya cimwi kuzwa mu Zibelesyo Nzyotubelesya Kapati Mukuyiisya. Kwasyaala buyo kaindi kasyoonto kuti Bwami bwa Leza bunyonyoone mfwulumende zyoonse izikazyanya ambubo. (Dan. 2:44; 1Kor. 15:24, 25) Aboobo, atukacibelesye kabotu coolwe eeci caalubazu ikutondezya kusyomeka kwesu kuli Jehova alimwi aku Bwami bwakwe!