Amwaambile Bamwi Makani Mabotu Aakuti Nyika Mbotu Yaswena!

Mumwezi wa November, tunoojisi mulimo waalubazu wakwaambila bantu makani mabotu aakuti nyika mbotu yaswena. (Int. 37:10, 11; Ciy. 21:3-5) Amuubambe kabotu mulongo wanu kutegwa mukatole lubazu cakumaninina mumulimo ooyu. Ikuti naa mulayanda kuyoocita bupainiya bwakugwasyilizya mumwezi ooyu, muyoosala kubeleka mawoola aali 30 naa 50.

Amulibambile kuyoobala lugwalo lujatikizya nyika mpya kubantu banji. Ciindi nomusala kapango kamu Bbaibbele, amusale kaako kakonzya kubakwelelezya bantu bamucilawo canu. Ikuti muntu watondezya luyandisisyo mulweendo lwakusaanguna, amumwaabile Ngazi Yamulindizi No. 2 2021 yakubuleya. Mpoonya, amupilukile kulinguwe nacijisi luyandisisyo akusola kutalisya ciiyo ca Bbaibbele kubelesya broshuwa ya Amupone Kukabe Kutamani! Eelo kaka cilakkomanisya kutola lubazu cakumaninina mukwaambila bamwi “makani mabotu aacintu ciinda kubota”!—Is. 52:7.

AMWEEBELELE KAVIDIYO KALWIIMBO LUMBI KAKUTI AMWEEZYEEZYE KUTI MULI MU PARADAISO, MPOONYA MWIINGULE MIBUZYO IITOBELA:

• Ino mbuumi buli buti mbweezyeezya mwana musimbi ooyu?

• Nzintu nzi nzyomulangila kapati munyika mpya?

• Mbuti kuzinzibala kuyeeya bulangizi bwanu mbocikonzya kumugwasya kulibambila kuyootola lubazu mumulimo wamu November?—Lk. 6:45