Mulimo Waalubazu Wakwaambilizya Bwami bwa Leza Mumwezi wa September!

Mumwezi wa September, tuyoobeleka canguzu kwaambila bantu kuti Bwami bwa Leza mbobulangizi bulikke bukonzya kumana mapenzi aabantu. (Mt. 24:14) Ino mbuti mbomukonzya kuyootola lubazu? Amulibambile kuyoobala lugwalo lujatikizya Bwami bwa Leza kubantu banji mumwezi ooyu. Ikuti muntu wakutondezya luyandisisyo amumwaabile Ngazi Yamulindizi No. 2 yamu 2020 yakubuleya. Mpoonya amusole kupilukila kumuntu watondezya luyandisisyo, alimwi amutalisye ciiyo ca Bbaibbele kubelesya broshuwa ya Amupone Kukabe Kutamani! Boonse aabo banoobeleka kabali bapainiya bakugwasyilizya mumwezi ooyo balakonzya kusala kubeleka mawoola aali 15 naa 30.

Ino-ino Bwami bwa Leza buyoopwayaula mfwulumende zyoonse zibukazya. (Dan. 2:44; 1Kor. 15:24, 25) Aboobo, atukacibelesye coolwe eeci caalubazu kutondezya kusyomeka kwesu kuli Jehova alimwi aku Bwami bwakwe!