“Luyando ndwajisi Kristo lulatukulwaizya.”—2Kor. 5:14
KUPONA BUUMI BWA BUNAKRISTO
Sena Muyoocita Bupainiya Bwakugwasyilizya mu March naa April?
Sena inga mwayanda kuyungizya mulimo wanu lya Ciibalusyo? (2Kor. 5:14, 15) Mu March alimwi April, bapainiya bakugwasyilizya balakonzya kusala kubeleka mawoola aali 30 naa 50. Ikuti naa inga mwatola lubazu mumulimo ooyu waalubazu, mulakonzya kulemba foomu akupa Kkomiti Yamulimo Yambungano. Mwezi uuli woonse, mazina abaabo bazumizyigwa kucita bupainiya ayakwambilizyigwa kumbungano. Munzila eeyi, mbungano iyoobagwasyilizya bapainiya mumulimo wabo. Aboobo ciindi ca Ciibalusyo, toonse buyo atucibone kuba coolwe cakuyungizya luzyibo lwesu mukukambauka alimwi akukulwaizyanya.—1Tes. 5:11.