Amubelesye Bbuku lyakuti Amupone Kukabe Kutamani! Mumulimo Wanu Wakukambauka

Eelo kaka tulikkomene kapati kuba abroshuwa alimwi abbuku mpya lyakubelesya kusololela ziiyo zya Bbaibbele! Tupailila kuti Jehova akulongezye kusolekesya kwesu mukugwasya bantu banji kuti abalo babe basikwiiya. (Mt. 28:18-20; 1Kor. 3:6-9) Ino zibelesyegwa buti zibelesyo eezyi zipya?

Mbwaanga bbuku lyakuti Amupone Kukabe Kutamani!, lijisi nzila mpya yakuyiisya, amutobele malailile aaya nomulibambila alimwi anomusololela ziiyo zya Bbaibbele.a

• Amubale mincali iili mukaambo kamwi akamwi, alimwi akwiingula mibuzyo

• Amubale magwalo aalembedwe kuti “amubale”, mpoonya akumutondezya sikwiiya mbwaagwasya

• Amwaalizye akwaabandika mavidiyo, kubelesya mibuzyo iibikkidwe

• Amusolekesye kucimana ciiyo coonse ncomwatalika

Mumulimo wabukambausi, amusaangune kwaabila broshuwa kutegwa muzyibe naa muntu ooyo ulaaluyandisisyo. (Amubone kabbokesi kakuti “Mbomukonzya Kwaabila Broshuwa ya Amupone Kukabe Kutamani! Mulweendo Lwakusaanguna.”) Ikuti mwalimana kuliiya broshuwa kumane sikwiiya uyanda kuzumanana, amumwaabile bbuku mpoonya akutalika kwiiya muciiyo 04. Ikuti naa mulaiya kale amuntu kubelesya bbuku limwi akati kamabbuku ngotubelesya kusololela ziiyo, amucince akutalika lyakuti Amupone Kukabe Kutamani! akubona mpomukonzya kutalikila.

AMWEEBELELE KAVIDIYO KAKUTI MWATAMBULWA KUCIIYO CANU CA BBAIBBELE, MPOONYA MWIINGULE MIBUZYO IITOBELA:

• Ino bayakwiiya nzi basikwiiya mubbuku lipya?

• Nkaambo nzi ncomweelede kubatondezya kavidiyo aaka basikwiiya bapya?

• Ino nimbaakani nzi nzyomweelede kumukulwaizya kulibikkila alimwi akubelekela mpawo sikwiiya?—Amubone ccaati yakuti “Mbaakani Alimwi Amakani Aali Mucibeela Cimwi Acimwi”