Amubagwasye Basikwiiya Kujanika Kumiswaangano

Miswaangano yambungano ncibeela ciyandika kapati cabukombi busalala. (Int. 22:22) Aabo boonse ibabungana kukomba Jehova balajana lukkomano alimwi azilongezyo. (Int. 65:4) Basikwiiya Bbaibbele balafwambaana kuyaambele ikuti kabajanika kumiswaangano lyoonse.

Mbuti mbomukonzya kubagwasya basikwiiya Bbaibbele banu kunoojanika kumiswaangano? Amuzumanane kubatamba. Amubatondezye kavidiyo kakuti Ino Ncinzi Cicitika ku Ŋanda ya Bwami? Amubapandulwide bubotu bwamiswaangano. (lff ciiyo 10) Mulakonzya kubaambila kaambo kagaminide nkomwaiya lyamiswaangano naa kubaambila ziyooyiigwa kumuswaangano uutobela. Amubape mabbuku aayoobelesyegwa kumiswaangano, naa kubatondezya cibeela ca “Meetings” mu JW Library. Alimwi amubape lugwasyo ndobayandika. Mucikozyanyo, kuti kabayandika lugwasyo kuunka kumiswaangano, amubagwasye. Sikwiiya Bbaibbele wanu aakujanika kumiswaangano ciindi cakusaanguna, muyookkomana kapati.—1Kor. 14:24, 25.

AMWEEBELELE KAVIDIYO KAKUTI AMUBAGWASYE BASIKWIIYA BBAIBBELE BANU KUJANIKA KUMISWAANGANO, MPOONYA MWIINGULE MIBUZYO IITOBELA:

• 

  Ino ncinzi Neeta ncaabelesya kutamba Jade kumiswaangano yambungano?

• 

  Nkaambo nzi ncotukkomana ciindi sikwiiya Bbaibbele naatalika kujanika kumiswaangano?

• 

  Ncinzi Jade ncaabona ciindi naawunka kumiswaangano ciindi cakusaanguna?