Amubagwasye Basikwiiya Bbaibbele Kutantamuka Balongwe Babi

Kutegwa babe acilongwe a Jehova, basikwiiya Bbaibbele beelede kusala kabotu balongwe. (Int. 15:1, 4) Balongwe bali kabotu bayoobakulwaizya kucita ziluzi.—Tus. 13:20; lff ciiyo 48.

Ciindi nomugwasya basikwiiya Bbaibbele banu kutantamuka balongwe babi, amutondezye lweetelelo. Cilakonzya kubayumina kuleka kuyanzana abalongwe babo. Aboobo, amutondezye kuti mulababikkila maano nomuba mumazuba ngomutaiyi Bbaibbele. Mulakonzya kubalembela kameseji, kubatumina fooni, naa kubaswaya buya. Mbobayaabuyaambele basikwiiya banu, mulakonzya kubatamba kuyanzana abantu ba Leza. Bayoolibonena kuti bali mukujana zintu zinji kwiinda nzyobakasweekelwa. (Mk. 10:29, 30) Andinywe muyookkomana kubona kuti mukwasyi wa Jehova ulimukukomena.

AMWEEBELELE KAVIDIYO KAKUTI AMUBAGWASYE BASIKWIIYA BBAIBBELE BANU KUTANTAMUKA BALONGWE BABI, MPOONYA MWIINGULE MIBUZYO IITOBELA:

• Ino balongwe babi mbantu bali buti?—1Kor. 15:33

• Ino Jade wajana kuti kuyanzana kwa Banakristo kuli buti naali kweezyeezya?

• Mbuti Neeta mbwaamugwasya Jade kuleka kuyanzana abalongwe babi?