Amube Alusyomo Lwakuti Mulakonzya Kuliyumya Kupenzi Lyakubula Mali

Buumi mumazuba aano aakumamanino buzwide buyumuyumu. Mbotuyaabuswena kumamanino aabwende bwazintu obuno, mapenzi anooyaabuvwula. Zimwi ziindi, tulakonzya kubula zintu zimwi zyakumubili. (Hab. 3:16-18) Ncinzi ciyootugwasya kuliyumya kupenzi lyakubula mali? Nkuzumanana kusyoma Leza wesu, Jehova. Wakasyomezya kuti unoobalanganya babelesi bakwe, akuti ulakonzya kubapa nzyobayandika tacikwe makani abukkale mobakonzya kulijana.—Int. 37:18, 19; Heb. 13:5, 6.

Ncomukonzya kucita:

• Amumulombe Jehova kuti amupe busolozi, busongo alimwi alugwasyo lwakwe.​—Int. 62:8

• Amulisungule kuzumina mulimo uuli woonse nouba ooyo ngomutanacitide.​—g 4/10 24-25, tubbokesi

• Amuzumanane kucita zintu zyakumuuya, mbuli kubala Jwi lya Leza abuzuba, kujanika kumiswaangano yambungano alimwi akutola lubazu mubukambausi

AMWEEBELELE KAVIDIYO KAKUTI AMUYAKE ŊANDA NJUMU—“AMUKKUTILE AZINTU NZYOMUJISI LINO,” MPOONYA MWIINGULE MIBUZYO IITOBELA:

• Ino mikwasyi imwi yakajana buyumuyumu nzi?

• Ncintu nzi ciyandika kapati mubuumi?

• Ino mbuti mbotukonzya kugwasya baabo ibali apenzi lyakubula mali?