Amulibikkile Mbaakani Mumyezi ya Ciibalusyo

Mwaka amwaka, bantu ba Jehova balacilangila ciindi cakucita Ciibalusyo antoomwe. Munsondo zisololela ku Ciibalusyo alimwi anocainda, tulaba acoolwe caalubazu cakumutembaula akumulumba Jehova kucipego cacinunuzyo. (Ef. 1:3, 7) Mucikozyanyo, tulabeleka canguzu kutamba bantu ku Ciibalusyo. Bamwi balalibikkila bubambe bwakucita bupainiya bwakugwasyilizya kabajisi mbaakani yakubeleka mawoola aasika ku 30 naa 50 mumwezi wa March naa April. Sena inga mwayanda kuyungizya mulimo wanu muciindi eeci ca Ciibalusyo? Ino ncinzi cikonzya kumugwasya kutegwa muzwidilile?

Kanji-kanji, tulakonzya kuzwidilila ikuti twapangila limwi bubambe. (Tus. 21:5) Mbwaanga Ciibalusyo caswena, eecino nceciindi cakutalika kulibambila. Amubone mbomukonzya kuyungizya mulimo wanu muciindi eeci, alimwi akusala ncomukonzya kucita kutegwa mwiizuzikizye mbaakani eeyo. Mpoonya amumulombe Jehova kuti akulongezye kusolekesya kwanu.—1Joh. 5:14, 15.

Sena kuli nzila nzyomuyeeyela mbomukonzya kuyungizya mulimo wanu muciindi eeci ca Ciibalusyo?