Muzeezo Uugwasya
Amubikkile Maano Kuzintu Ziyandika Kapati
Toonse tujisi buyo ciindi cisyoonto cakucita ciiyo cesu tobeni. Mbuti mbotukonzya kucibelesya kabotu ciindi eeco ncotujisi? Kusaanguna, amube aciindi cibotu cakubala. Muyoogwasyigwa kapati kuti kamubala buyo twaambo tusyoonto cakubikkila maano muciindi cakubala twaambo tunji mpoonya kamubindide.
Mpoonya, amubikkile maano kuzintu ziyandika kapati. (Ef. 5:15, 16) Nzyeezi nzila zimwi zikonzya kugwasya:
Kubala Bbaibbele abuzuba. (Int. 1:2) Inga cagwasya kapati kutalika kwiinda mukubala zyaandaano nzyotwiiya lyamuswaangano wamukati kansondo.
Kulibambila Ciiyo ca Ngazi Yamulindizi alimwi amuswaangano wamukati kansondo. Amulibambile kutola lubazu.—Int. 22:22.
Kusolekesya kujana ciindi cakubala mamagazini aakubuleya, kweebelela mavidiyo alimwi akulanga-langa makani aambi aajanika a jw.org.
Kuvwuntauzya kaambo kamwi nkomukkomanina. Mulakonzya kuvwuntauzya kujatikizya buyumuyumu mbomujana, mubuzyo umwi ngomujisi naa kaambo kamwi kamu Bbaibbele nkomuyanda kumvwisya. Kutegwa mubone mbokucitwa amulange-lange cibeela cakuti “Zyakucita Zijatikizya Kwiiya Bbaibbele” a jw.org.