Muzeezo Uugwasya

Zibelesyo Zigwasya Kuyiisya Bana

Bazyali bajisi mukuli mupati wakuyiisya bana babo kujatikizya Jehova. (Ef. 6:4) Mbunga ya Jehova yamwaya zibalo zinji, mavidiyo alimwi anyimbo kutegwa zigwasyilizye bazyali. Ino mbuti mbomukonzya kuzibelesya kuyiisya bana banu?

• Amulange-lange zyakumwaya ziliko. Webbusaiti ya JW.ORG ilijisi zyakumwaya zyoonse zyabana mbuli mavidiyo alimwi amapepa mpobakonzya kulemba naa kudulowiŋa.a Kutegwa mujane zyakumwaya eezyi, amulembe kuti “Bana” naa “Bakubusi” mucibeela cakuti amuyandaule.

• Amusale zibalo naa mavidiyo aakonzya kubagwasya ncobeni bana banu. Zyakumwaya zili mucibeela cakuti “Bana,” zilakonzya kumugwasya kusala zibalo naa mavidiyo aayelela ncobeni kubana banu. Kutegwa muzijane zibelesyo eezyi, amuyandaule aalembedwe kuti “Kukomba Mumukwasyi.”

• Amujane ciindi cakubandika abana banu. Mutani kubelesyi mavidiyo naa zibalo zimwaigwa kubapa buyo kuti batabuli cakucita bana banu. Muciindi boobo, amuzibandike antoomwe ambabo alimwi akubagwasya kuba acilongwe ciyumu a Jehova.