Muzuzumo Wanyika ku Turkey Aku Syria—Ino Bbaibbele Lyaamba Nzi?

Mu Monday, February 6, 2023, kwakacitika muzuzumo wanyika wakanyonyoona ku Turkey aku Syria.

• “Mu Monday, muzuzumo wanyika wakajaya bantu bainda ku 3,700 ku Turkey aku Syria nkoili kunyika lwaambo. Kuyungizya waawo, bantu banji bakalicisa akusweekelwa maanda aabo, ciindile kwakali kutontola kapati. Akaambo kakutontola cakali kukatazya kujana bantu bakafwutuka kumuzuzumo wanyika.”—Reuters, February 6, 2023.

Tulausa kapati ciindi notubala kujatikizya ntenda zili boobu. Muziindi zili boobu, tulangila kuli Jehovaa “Leza siluumbulizyo loonse.” (2 Bakorinto 1:3) Ulatupa ‘luumbulizyo lwamu Magwalo kutegwa tube abulangizi.’—Baroma 15:4.

Mu Bbaibbele, twiiya:

• Zintu izyakasinsimwa kujatikizya mizuzumo yanyika.

• Nkotukonzya kujana luumbulizyo abulangizi.

• Leza mbwayakwaamana mapenzi oonse.

Kutegwa muzyibe Bbaibbele ncolyaamba kujatikizya makani aaya, amubale zibalo zitobela:

• “Ncinzi Bbaibbele Ncolyakasinsima Kujatikizya Mizuzumo Yanyika Mipati?”

• “Ino Nkookuli Nkondikonzya Kujana Bulangizi?”

• “Lino-lino Leza Uyookumana Kupenga Koonse”