Sena Kuli Bulangizi Buliko Mumwaka wa 2024?​—Ino Bbaibbele Lyaamba Nzi?

Bantu banji bayeeya kuti kunyina cikonzya kumana mapenzi ngotulangila mu 2024. Nokuba boobo, bulangizi nkobuli. Nkuli nkomukonzya kubujana?

Bbaibbele lilapa bulangizi

Bbaibbele lisyomezya kuti Leza uyakwaamana mapenzi aatupa kubula bulangizi mazuba aano. Lino-lino, Leza ‘uyoosindula misozi yoonse kumeso eesu, alimwi lufwu talukabi limbi, akwalo koomoka, kulila nokuba kucisa takukabi limbi pe.’​—Ciyubunuzyo 21:4.

• Kutegwa mwiiye zinji kujatikizya zisyomezyo zyamu Bbaibbele zyakumbele, amubale cibalo cakuti “Bulangizi Bwini-bwini Bwabuumi Bubotu Kumbele.”

Bbaibbele mbolikonzya kumugwasya lino

Bbaibbele lilapa bulangizi bwakumbele bukonzya kumugwasya kucileka kulimvwa bubi akumupa kuba abulangizi. (Baroma 15:13) Lulayo lwamu Bbaibbele alimwi lulakonzya kumugwasya kuliyumya mumapenzi aamulwana lino, mbuli bucete, kutalulama, alimwi amalwazi.

• Amubone bulangizi bwamu Bbaibbele mbobwakagwasya mwaalumi uumwi kujana luumuno alukkomano nokuba kuti wakakomenena mumukwasyi iwatakavwubide. Amweebelele vidiyo yakuti Ba Juan Pablo Zermeño: Jehova Wakandipa Buumi Bulaampindu.

• Amubone Bbaibbele mbolikonzya kumugwasya kulwana penzi lyakulipa mulandu, kuusa, kulibilika, alimwi aciindi nomuli mubuumba. Amubale cibalo cakuti “Sena Inga Ndajana Majwi Aawuumbulizya mu Bbaibbele?”

• Amubone sikalumamba umwi wakabeleka myaka minji alimwi iwakali kulyaamba kuti “muntu uutakombeleli” mbwaakajana bulangizi mu Bbaibbele. Amweebelele vidiyo yakuti Ndakacileka Busikalumamba.

Amuubelesye kabotu mwaka wa 2024 nywebo amukwasyi wanu. Amwiiye zinji kujatikizya Bbaibbele mbolikonzya kumugwasya. Amulombe ciiyo ca Bbaibbele citabbadelelwi. Amwiiye Leza mbwakonzya kumupa “mizeezo yakumuletela luumuno” alimwi akumupa “buumi bwakumbele bubotu alimwi abulangizi.”​—Jeremiya 29:11.