CIIYO 02

Bbaibbele Lilapa Bulangizi

Iikonzya Kupulintwa

Bantu munyika bajisi mapenzi aabapa kuusa, kulibilika mane buya akucisa. Sena kuli nomwakalijana mubukkale buli boobu? Ambweni mulapenga akaambo kakuciswa, naa mwakafwidwa muyandwa wanu. Mulakonzya kulibuzya kuti, ‘Mwati buumi kuli nobuyoobota buya?’ Bbaibbele lilapa bwiinguzi bukkazika moyo kumubuzyo ooyu.

1. Mbuti Bbaibbele mbolipa bulangizi?

Bbaibbele lilapandulula ncokuli mapenzi manji boobu, pele alimwi lilaamba makani mabotu aakuti lino-lino Leza uyakwaagwisya mapenzi oonse aaya. Zisyomezyo zyamu Bbaibbele zilakonzya “kumupa buumi bwakumbele bubotu alimwi abulangizi.” (Amubale Jeremiya 29:11, 12.) Zisyomezyo eezyi zilatugwasya kuliyumya mumapenzi lino, kuzilanga munzila iili kabotu zintu alimwi akuba alukkomano lutamani.

2. Ino Bbaibbele lisyomezya kuti kumbele kuyooba buti?

Bbaibbele lyaamba kuti kumbele “lufwu talukabi limbi, akwalo koomoka, kulila nokuba kucisa takukabi limbi pe.” (Amubale Ciyubunuzyo 21:4) Mapenzi aapa bantu kutyompwa mazuba aano, mbuli bucete, kutalulama, kuciswa alimwi alufwu, tazikabi limbi. Bbaibbele lisyomezya kuti bantu bayoopona kukabe kutamani mu Paradaiso anyika.

3. Mbuti mbomukonzya kusinizya kuti zisyomezyo zyamu Bbaibbele ziyoozuzikizyigwa ncobeni?

Bantu banji balangila zintu zibotu, nokuba boobo tabasyomi kuti bulangizi bwabo kuli nobuyoozuzikizyigwa. Pele ncolisyomezya Bbaibbele ciliimpene. Tulakonzya kusyoma ncolyaamba kwiinda mukuvwuntauzya “cakulomya mu Magwalo.” (Milimo 17:11) Ciindi nomwiiya Bbaibbele, muyoolisalila nobeni naa inga mwacisyoma ncolyaamba kujatikizya zyakumbele.

AMWIIYE ZINJI

Atulange-lange zintu zimwi ziyoocitika kumbele nzyolisyomezya Bbaibbele. Atubone bulangizi bwamu Bbaibbele mbobubagwasya bantu mazuba aano.

Zifwanikiso: Zifwanikiso izitondezya kwiindana kuliko akati kabukkale bwamazuba aano alimwi abukkale mbolisyomezya Bbaibbele kumbele. Zifwanikiso eezyi zyaindulukwa alimwi ansi aawa.

4. Bbaibbele lisyomezya kuti tulakonzya kupona kukabe kutamani kakunyina kupenga

Atubone zisyomezyo zili ansi aawa izijanika mu Bbaibbele. Ncisyomezyo cili cimukkomanisya kapati? Nkaambo nzi?

Atubale magwalo aali acisyomezyo cimwi acimwi, akubandika mibuzyo eeyi:

Sena muyeeya kuti magwalo aaya alamupa bulangizi nywebo? Sena muyeeya kuti alakonzya kubapa bulangizi banamukwasyi alimwi abalongwe banu?

Amweezyeezye kupona munyika:

MUNYINA . . .	BOONSE . . .
uuyoomvwa kucisa, kubula nguzu akaambo kakucembaala naa kufwa.—Isaya 25:8.	mobayoobonana abayandwa babo kababusyigwa aano anyika.—Johane 5:28, 29.
uuyoociswa naa uunoolemene.—Isaya 33:24; 35:5, 6.	mobayooba abuumi buli kabotu alimwi anguzu zyakubukubusi.—Jobu 33:25.
uuyoocitilwa cakutalulama.—Isaya 32:16, 17.	mobayooba azyakulya zinji, maanda mabotu alimwi amulimo uukatalusya.—Intembauzyo 72:16; Isaya 65:21, 22.
uuyoopenga akaambo kankondo.—Intembauzyo 46:9.	mobayooba aluumuno lunji.—Intembauzyo 37:11.
uuyoopenga mumizeezo akaambo kakuyeeya zintu zibyaabi izyakamucitikila.—Isaya 65:17.	mobayoopona kukabe kutamani mubukkale bubotu.—Intembauzyo 37:29.

Mwana iwakacisidwe wapona alimwi wabakumbata banyina.

Mwaalumi iwakacembeede waba mwana-mwana alimwi weenzya wilibbala imuli zyakulya.

5. Zisyomezyo zyamu Bbaibbele zilakonzya kumukkomanisya

Bantu banji balityompedwe naa kunyema kapati akaambo kamapenzi ngobabona naa kucitikilwa. Bamwi balabeleka canguzu kutegwa bacince zintu kuti zibote. Atubone cisyomezyo camu Bbaibbele cakuti zintu ziyoobota mbocibagwasya bantu lino. Atweebelele VIDIYO, akubandika mibuzyo iitobela.

VIDIYO: Ndakali Kuyanda Kulwana Kutalulama (4:07)

Kabeela kamuvidiyo yakuti ‘Ndakali Kuyanda Kulwana Kutalulama.’ Ba Rafika kabacela butonge antoomwe abantu bamusyobo wabo ciindi nobakacili bana.

Muvidiyo, micito nzi yakutalulama iyakali kubakatazya ba Rafika?
Nokuba kuti micito yakutalulama njobakali kubona tiiyakamana, ino Bbaibbele lyakabagwasya buti?

Kuti twazisyoma zisyomezyo zyamu Bbaibbele zyakumbele, tulakonzya kulizunda penzi lyakutyompwa alimwi tulakonzya kukkomana nokuba kuti tuli amapenzi. Atubale Tusimpi 17:22 a Baroma 12:12, akubandika mubuzyo ooyu:

Sena muyeeya kuti ncolyaamba Bbaibbele kujatikizya zyakumbele cilakonzya kucinca buumi bwanu lino kuti bubote?

BAMWI BAAMBA KUTI: “Zisyomezyo zyamu Bbaibbele zyakumbele tazikazuzikizyigwi pe.”

Nkaambo nzi ncomuyeeya kuti cilayandika kulanga-langa bumboni?

MUBUFWAAFWI

Bbaibbele lilijisi zisyomezyo zinji kujatikizya buumi bwakumbele bubotu. Eeci cilatupa bulangizi alimwi akupa kuti buumi bwesu kabuli kabotu noliba lino.

Ncinzi Ncomwaiya?

Nkaambo nzi bantu ncobayandika bulangizi?
Ino Bbaibbele lyaamba nzi kujatikizya zyakumbele?
Ino kuba abulangizi bwakumbele inga kwamugwasya buti lino?

Deeti nocamana ciiyo:

Mbaakani

Amuzizyibe zisyomezyo zyamu Bbaibbele kwiinda mukubala tupango tuli muciiyo eeci.

Mbaakani Zimbi:

Your other goal

AMUZYIBE ZINJI

Kabeela kamuvidiyo yakuti ‘Ndakali Kuyanda Kulwana Kutalulama.’ Ba Rafika bagambwa kubona bantu bazwa kumisyobo iindene-indene mbobamvwana ciindi nobajanika kumuswaangano wacooko wa Bakamboni ba Jehova ciindi cakusaanguna.

Atubone bulangizi mbobukonzya kutugwasya ciindi notuli mumapenzi.

“Bulangizi—Ino Inga Mwabujana Kuli?” (Sinsimuka!, April 22, 2004)

Atubone mbotukonzya kubagwasya kuba abulangizi aabo baciswa bulwazi butasilikiki.

“Sena Bbaibbele Lilakonzya Kumugwasya Ikuti Kamujisi Bulwazi Butasilikiki?” (Cibalo caaintaneti)

Ciindi notweebelela vidiyo yanyimbo eeyi, amweezeezye kuti anywebo amukwasyi wanu mulikkomene mu Paradaiso iyakasyomezyegwa mu Bbaibbele.

Amweezyeezye Buumi Bwakumbele (3:37)

Atwiiye kujatikizya sikulwanina lwaanguluko mbwaakacinca ciindi naakaiya bulangizi bwamu Bbaibbele bwakumbele.

“Tandicilimvwi kuti ndeelede kwiicinca nyika” (Ngazi Yamulindizi, July 1, 2013)