Amulizunde Penzi Lyakulendelelwa Kwiinda Mukugwasya Bamwi​—Ncolyaamba Bbaibbele

Bantu banji munyika balimvwa kulendelelwa akuti tabakonzyi kuba acilongwe abantu bamwi. Basyaazibwene mumakani aabusilisi basyoma kuti kugwasya bamwi kulakonzya kugwasya kutantamuka mizeezo iili boobo.

• “Kugwasya bamwi bayandika lugwasyo kulakonzya kupa kuti tupone buumi bulaampindu akutupa kutalimvwa kulendelelwa naa kuba tolikke.”​—U.S. National Institutes of Health.

Bbaibbele lilapa lulayo lujatikizya ncotukonzya kucita kutegwa tugwasye bamwi. Kutobela ncolyaamba kulakonzya kutugwasya kulizunda penzi lyakulendelelwa.

Ncomukonzya kucita

Amube baabi. Amuyandaule zyoolwe zyakwiizya abamwi, kwaambisya cacigaminina. Amulisungule kwaabila bamwi zintu nzyomujisi. Mwacita oobo, bayoomulumba kapati, calo ciyooyumya cilongwe.

• Njiisyo yamu Bbaibbele: “Amube baabi, abalo bantu bayoomwaabila.”​—Luka 6:38.

Amugwasye bamwi. Amuyandaule nzila zyambomukonzya kugwasya bamwi ibali mukwiinda mumapenzi. Eeci inga cabikkilizya kubaswiilila naa kulyaaba kubacitila tulimo tumwi calo cikonzya kupa kuti balemununwe.

• Njiisyo yamu Bbaibbele: “Mulongwe mwini-mwini ulatondezya luyando ciindi coonse, alimwi ngomunyoko wakazyalilwa kuti akugwasye muziindi zyamapenzi.”​—Tusimpi 17:17.

Kutegwa muzyibe zinji kujatikizya mbomukonzya kuzumanana kuba acilongwe cibotu abamwi, amubale cibalo cakuti “Mukwasyi Alimwi Akusala Balongwe Bali Kabotu.”