Twaambo Tuyandika Kapati Mubbuku Lya Ezekieli

“Omwanaamuntu”

KALAJANIKA ZIINDI ZIINDA KU 90

Ziindi ziinda ku 90, Ezekieli waambwa kuti “omwanaamuntu.” (Ezk. 2:1) Aboobo Jehova umuyeezya kuti nokuba kuti wapegwa mikuli mipati, muntu buyo wanyama. Cakweelela, muzibalo zya Makani Mabotu, Jesu waambwa kuti “Mwanaamuntu” ziindi zibalilwa ku 80, kutondezya kuti wakaba muntu wanyama cakumaninina alimwi tanaakali mungelo iwakali kulibonya buyo muciimo camuntu.—Mt. 8:20.

“. . . Bayoozyiba Kuti Ndime Jehova”

KALAJANIKA ZIINDI ZIINDA KU 50

Ziindi ziinda ku 50, Ezekieli wakalemba twaambo ntwaakaamba Leza kuti bantu “bayoozyiba kuti ndime Jehova,” ikukankaizya kuti Jehova alikke nguweelela kupegwa bukombi busalala.—Ezk. 6:7.

“Mwami Singuzuzyoonse Jehova”

KALAJANIKA ZIINDI ZILI 217

Majwi aakuti “Mwami Singuzuzyoonse Jehova” alajanika ziindi zili 217, ikupa zina lya Leza bulemu mbolyeelede alimwi akukankaizya kuti zilenge zyoonse zilalibombya kuli Jehova.—Ezk. 2:4.