Kusyanga Mbuto zya Bwami

1. Nobabelesi ba Jehova,

Nomwalyaaba amoyo ’nse.

Mucite mulimo wa Mwami,

Mwiiye nzyacita ’nzyayanda.

Musyange mbuto cakutayoowa

Mumyoyo inga yazyala

Micelo mibotu mbomusyomeka

Akusungwaala mumulimo.

2. Imwi mbuto iyakuwida;

Amyoyo ili mbuli bbwe.

Aaba nobamvwa kwakaindi,

Nzyobayanda zilazyibwa;

Jwi noliyaswa, baba balyato;

Bayanda zyintu zyanyika.

Pele mbuto zimwi ziyookomena

Mubulongo buli kabotu.

3. Kuzwidilila mumulimo

Kuya ambomubeleka.

Bantuma kuti mwabayanda,

Baya kujalula myoyo.

Kuti cabusungu mwabagwasya,

Inga baleka kuyoowa.

Eelyo inga mwakondwa kutebula

Makumi otatwe naa mwaanda.