Mulakonzya Kukambauka Alimwi Akuyiisya!

Kumatalikilo, Musa wakali kudooneka kuti naa inga wacikonzya kuuzuzikizya mulimo ngwaakamupede Jehova. (Kul. 4:10, 13) Sena andinywe kuli nomwakalimvwide boobo? Sena mulaiya Bbaibbele a Bakamboni ba Jehova? Sena muladooneka naa inga mwacikonzya kukambauka kuŋanda aŋanda? Naa ambweni muli mukubusi uuwayawaya kupa bumboni kucikolo. Andiza mulayoowa kutola lubazu mubukambausi bwaafooni naa bwakubuleya. Amupaile kuli Jehova akulomba muuya uusalala. (1Pet. 4:11) Amube alusyomo lwakuti ulakonzya kumugwasya kucita mulimo uuli woonse ngwakonzya kumupa.—Kul. 4:11, 12

AMWEEBELELE KAVIDIYO KAKUTI AMUBE . . . BASIKUMWAYA BASICAMBA, MPOONYA MWIINGULE MIBUZYO IITOBELA:

• Ino mbuyumuyumu nzi mbwaakajisi mucizyi Aoyama?

• Ino ncinzi cakamugwasya kuyuma alimwi akuba sicamba?—Jer. 20:7-9

• Ino wakagwasyigwa buti kwiinda mukucita zinji mumulimo wa Jehova?

• Ino mbuyumuyumu nzi bujanika mumulimo wamumuunda Jehova mbwakonzya kumugwasya kuzunda?