Ncinzi Ncolyaamba Bbaibbele?

Sena Leza ulayiingula mipailo yoonse?

SENA INGA MWAAMBA KUTI ULAINGULA MIPAILO . . .

• Yamuntu uuli woonse

• Yabantu bamwi

• Kunyina njaingula

BBAIBBELE NCOLYAAMBA

“Jehova ulaafwaafwi abaabo boonse . . . bamwiita mukasimpe.”—Intembauzyo 145:18.

NCINZI CIMBI NCOTUKONZYA KWIIYA KUZWA MU BBAIBBELE?

• Leza taiswiilili mipailo yabaabo batamumvwidi. (Isaya 1:15) Nokuba boobo, balakonzya ‘kubamba twaambo’ anguwe kwiinda mukucinca nzila zyabo.—Isaya 1:18.

• Kutegwa Leza awiingule mupailo, weelede kweendelana azyeelelo zyakwe izijanika mu Bbaibbele.—1 Johane 5:14.

Sena tweelede kuba muciimo cilibedelede notupaila?

BANTU BAMWI BASYOMA KUTI lyoonse beelede kufwugama, kusintama, naa kwaabikka antoomwe maanza ciindi nobapaila. Ino nywebo muyeeya buti?

BBAIBBELE NCOLYAAMBA

Leza wakayiingula mipailo yabaabo ‘bakakkede’ naa ‘bakaimikila’ naa aabo ‘bakavwunteme ansi’ naa ‘bakafwugeme.’ (1 Makani 17:16; 2 Makani 30:27; Ezara 10:1; Milimo 9:40) Kunyina nayanda kuti tube muciimo cimwi ciindi notupaila.

NCINZI CIMBI NCOTUKONZYA KWIIYA KUZWA MU BBAIBBELE?

• Leza ulabaswiilila aabo balicesya.—Intembauzyo 138:6.

• Mulakonzya kupaila mumwaambo uuli woonse, naa kupaila cakaumuumu.—2 Makani 6:32, 33; Nehemiya 2:1-6.