Takgalhtawakga 2
¿Tiku Dios?
¿Tiku xaxlikana Dios, chu tuku xtukuwani? (1, 2)
¿Tukuntla xmakni Dios? (3)
Kawanti makgapitsi lu tlan xtayat Dios (4)
¿Pi namaklakaskinaw imagen chu cruz akxni nalikakninaniyaw Dios? (5)
Kawanti pulaktiy la tlan nalilakgapasaw Dios (6)
1. Kristianos katuwa tuku kakninanikgoy. Pero, Biblia lichiwinan pi kaj chatum XAXLIKANA Dios. Wa tlawanit putum tuku anan kʼakgapun chu Katiyatni, chu xlakata pi wa kinkamaxkin latamat, wa xakstu mininiy nakakninaniyaw (1 Corintios 8:5, 6; Apocalipsis 4:11).
2. Maski Dios akglhuwa limapakuwikgoy, kaj akgtum xtukuwani: JIOVA. Amakgapitsi Biblia nitu wilikanit xtukuwani Dios chu kaj wilikgonit Dios o Señor. Pero, akxni tsokgka Biblia, xtukuwani Jiova xtatsokgnit akgtujun mil (Éxodo 3:15; Salmo 83:18).
3. Jiova kgalhiy xmakni ni xtachuna lakomo akin. Biblia wan pi Dios «watiya Spiritu» (2 Corintios 3:17). Akinin nila malakgchaniyaw chatum espíritu. Nitiku kristiano aʼakxilha Dios. Maski Jiova wilacha anta kʼakgapun, stalanka akxilha tuku lama (Salmo 11:4, 5; Juan 1:18). ¿Chu tuku espíritu santo? Ni lakomo Dios, wa xlitliwakga Dios nema liskuja (Salmo 104:30).
4. Biblia kinkawaniyan la tlan xtayat Jiova. Kinkawaniyan xtayat nema tlakg tasiyakgoy wa uma: tapaxkit, xalakatitum, liskgalala chu lhuwa xlitliwakga (Salmo 104:24; 1 Juan 4:8; Apocalipsis 11:17; Apocalipsis 15:3). Na kinkawaniyan pi lakgalhamanan, tlan likatsiy, xatapatina, lhuwa maskiwinan chu ni tsala sitsiy. Akinin, xakgalhakgaxmatninanin lakkamanan, kililhkgamatkan o kilitakgoxitkan natlawayaw lakomo Dios tlaway (Efesios 5:1, 2).
5. ¿Pi natakilhputaniyaw chu natlawaniyaw oración kxlakatin imagen, lakapun chu cruz? Ni (Éxodo 20:4, 5). Jiova wan pi kajxakstu nakakninaniyaw. Nitiku chu nituku kamakgpitsiniy xlilanka. Ni kaj watiya tama, wa imágenes ni kgalhikgoy litliwakga nema nakinkalimakgtayakgoyan (Salmo 115:4-8; Isaías 42:8). ʼakgapun talhman o wantuku anan tutsu katiyatni o wantuku wi kchuchut kxtampin katiyatni. Ni natakilhputaniya kxlakatinkan chu ni nakakninaniya, xlakata akit Jiova kskin kiʼakstu nakinkakninaniya, xlakata akit Jiova kkamaxokgey xkamanan xtalakgalhin xanatlatni chu xnatanatni chu xkamanan xnatanatni, pero kajwatiya tiku kmakgasitsikgoy».
6. ¿Tukuntla tlakg tlan nalakgapasaw Dios? Xlipulaktum nema nalilakgapasaw Dios naʼakxilhaw tuku tlawanit chu naʼakxilhlakapastakaw tuku kinkawanikgoyan xlakata Dios katuwa tuku tlawanit. Wantuku tlawanit Dios kinkamasiyaniyan pi kgalhiy lhuwa litliwakga chu liskgalala. Putum tuku tlawanit akxilhaw pi xapaxkina (Salmo 19:1-6; Romanos 1:20). Apulaktu nema kinkalimasiyaniyan Dios wa Biblia. Anta tlakg lhuwa kinkawaniyan Dios la tlan likatsi. Na kinkawaniyan tuku wanit chu tuku lakaskin natlawayaw (Amós 3:7; 2 Timoteo 3:16, 17).
[Dibujos xla página 5]
Wantuku tlawanit Dios chu Biblia kinkamasiyaniyan tukuntla xtayat Dios