Putum kilhtamaku lichuwinanaw Dios
1. ¿La likatsiyaw pi xapulana kstalaninanin Cristo putum kilhtamaku xlichuwinankgo Dios?
1 Tiku xlichuwinankgo Dios kxapulana siglo “ni xjaxkgo” chu xlichuwinankgo Dios niku xwilakgolh latamanin (Hech. 5:42). Chu akxni xlichuwinankgo Dios kʼakgatunu chiki na xkalitachuwinankgo putum tiku xkatatanokglhkgo ktiji. Chu komo alistalh xʼankgo tamawanankgo kmercado max na xlichuwinankgo Dios. Chuna la Jesús, xlakan na putum kilhtamaku xlichuwinankgo Dios (Mar. 6:31-34).
2. ¿Tuku natlawaputunaw akinin tiku kinkalilakgapaskanan xtatayananin Jehová?
2 Skgalalh natawilayaw. Tukuwani nema kinkalilakgapaskanan limasiya tuku tlawayaw chu tuku litaxtuyaw (Isa. 43:10-12). Chatum xtatayana Jehová liwana xlikatsit la nakgalhtinan tuku kanajla, ni kajwatiya akxni an lichuwinan Dios kʼakgatunu chiki (1 Ped. 3:15). ¿Lakpuwanitata la tlan nalichuwinana Dios akxni katatanokglha latamanin chu tuku tlan nawana? ¿Putum kilhtamaku lipina likgalhtawakga chu kamaxkiya tiku kgaxmatputunkgo xtachuwin Dios? (Pro. 21:5.) ¿Kajwatiya kʼakgatunu chiki lichuwinana Dios, o na lichuwinana niku tatekgsa?
3. ¿Tuku xlakata nalimapakuwikan lichuwinankan Dios «niku tsamakan» akxni lichuwinanaw ktiji chu kʼestacionamiento, kparque chu niku stanankan?
3 Lichuwinankan Dios «niku tsamakan». ¿La natalilakgapasa akxni natalichuwinan Dios ktiji chu kʼestacionamientos, kparque chu niku stanankan? Apóstol Pablo wa pi ni kajwatiya xlichuwinan Dios kʼakgatunu chiki, na xlichuwinan «anta niku lhuwa xtsamakan» (Hech. 20:20, Xasasti Tamacatzinin). Wa xlakata, tlan limapakuwiyaw lichuwinankan Dios «niku tsamakan» akxni nalichuwinanaw ktiji chu kʼestacionamiento, kparque chu niku stanankan. Xlikana pi tuku tlakg tlan kitaxtunit wa natalichuwinan xTamapakgsin Dios kʼakgatunu chiki. Pero ¿tuku tlakg xlakaskinka xʼakxilhkgo xapulana kstalaninanin Jesús? Ni kajwatiya xʼankgo kʼakgatunu chiki na xkatachuwinankgo latamanin. Wa xlakata na xlichuwinankgo Dios niku xtsamakan, niku xkatatanokglhkgo latamanin chu kʼakgatunu chiki. Chu xlakata liwana natlawayaw kintaskujutkan, talakaskin nachuna natlawayaw (2 Tim. 4:5).