Introdaksen

Planti taim ol man i no soim rispek long ol narapela, so taim wanpela i soim rispek long narapela, ol man i kirap nogut long dispela.

Olsem, planti man i no save rispektim narapela narapela, papamama bilong ol, ol lapun, na tu, ol polis, ol bos, na ol tisa. Na tu, Intenet i pulap tru long ol tok nogut i no soim rispek long ol narapela! Wanpela atikol long nius Harvard Business Review i tok pasin bilong i no rispektim ol narapela “i wok long go bikpela tru.” Nius i tok moa olsem planti man i tok long nau ol man i no soim moa pasin rispek.