I Dai Em Wanem Samting?

15 Taim man i dai, em i go bek long graun. Em i no save moa long wanpela samting.​—⁠Song 146:4

Ol man i dai pinis ol i no inap toktok wantaim yu o mekim wanpela samting.​—⁠Saveman 9:5, 10

16 Tasol planti ensel i go nogut. Nau ol i save giamanim yumi na bai yumi ting em ol manmeri i dai pinis. Ol i laik bai yumi ting olsem yumi no save dai tru.​—⁠Stat 6:1, 2; Jut 6

17 God Jehova i no laik bai yumi bilipim ol dispela ensel nogut, olsem ol spirit nogut.​—⁠Kisim Bek 22:18; Lo 18:10, 11; 32:17

Em i no laik bai yumi mekim wok bilong ol spirit nogut, olsem mekim posin o marila o i go lukim glasman.​—⁠Galesia 5:19-21