Jisas Em i Husat?

Jehova i salim Jisas i kam daun long graun. 1 Jon 4:9

Sapos yumi laik amamasim Jehova, yumi mas harim tok bilong wanpela narapela bikpela man. Paslain tru long Jehova i wokim Adam, em i wokim wanpela strongpela ensel long heven.

Bihain, Jehova i salim em i kam daun na em i bon long Betlehem. Maria em i mama bilong em, em wanpela meri i no bin slip wantaim man. Ol i kolim dispela pikinini olsem Jisas.—Jon 6:38.

Taim em i stap long graun, Jisas i kamapim tru ol pasin bilong God. Em i gat pasin helpim, pasin laikim, na ol man i no pret long i go klostu long em. Em i gat strongpela bel na em i helpim ol man long kisim stretpela save long Jehova.

Jisas i mekim gutpela pasin, tasol ol man i heitim em. 1 Pita 2:21-24

Na tu, Jisas i oraitim ol sikman na kirapim bek sampela man i dai pinis.

Ol hetman bilong lotu i heitim Jisas, long wanem, em i tokaut long pasin nogut bilong ol na long ol tok giaman ol i skulim ol man long en.

Ol hetman bilong lotu i kirapim ol Rom long paitim Jisas na kilim em i dai.