Yu Save Stretim Ol Pikinini Bilong Yu Olsem Wanem?

ATING planti papamama bai tok, em hatwok. Tasol buk Rot Bilong i Stap Amamas Taim Yu Yangpela Yet em i bin helpim planti papamama em pikinini bilong ol i gat 10-pela krismas samting.

Sampela ol i raitim pas na ol i tok, ‘Taim mipela i mas stretim pikinini bilong mipela, mipela i save toktok wantaim ol bambai mipela i ken save gut wanem as tru bilong hevi i bin kamap, olsem ating ol i no mekim pasin sori long wanpela brata o susa bilong ol, o ol i no harim gut tok bilong mipela papamama. Bihain mipela save salim ol i go long rum slip bilong ol, ol yet tasol, na mipela tokim ol long kaunim sampela tok bilong dispela buk i stret long hevi i bin kamap. Na mipela makim sampela tok bilong Baibel ol i mas kaunim.’

Na wanem samting i kamap? ‘Taim ol i kam tokim mipela ol i kaunim pinis ol dispela tok na ol i redi nau long toktok wantaim mipela long ol dispela tok bilong buk na Baibel, pasin bilong ol i senis tru!’ Ol i stori long liklik pikinini meri bilong ol em i strong long bihainim laik bilong em yet, na ol i tok, ‘Maski em i belhat na em i go long rum slip bilong em, tasol bihain em i save amamas na i kam na tokim mipela, “Nau mi save pasin mi mekim i no stret na mi laik tok sori long yupela!”

Sapos yu yet yu wanpela papa o mama, o yu save long sampela papamama ol i laik kisim samting bilong helpim ol long stretim ol pikinini bilong ol, gutpela sapos yu kisim dispela buk. Dispela buk inap helpim yu gut long mekim bikpela long ol pikinini.

Plis salim dispela buk long mi, nem bilong en Rot Bilong i Stap Amamas Taim Yu Yangpela Yet. Mi putim olsem 80 toea i stap insait long pas.