Mipela i Laik Singautim Yu i Kam Long Wanpela Spesel Tok

Yu Ken Stap Bel Isi Long Dispela Taim Nogut!

Dispela tok bilong Baibel bai kamap long olgeta hap bilong graun long 230 kantri samting. Long planti hap, dispela tok bai kamap long Sande, Epril 15, 2007. Bai yu kisim save long wanem samting? Tingim ol dispela askim:

Wanem samting i mekim na planti milion manmeri long olgeta hap i no stap bel isi?

Long wanem taim bel isi bilong ol man i bin pinis?

Olsem wanem na long wanem hap yumi ken painim bel isi tru?

Yu ken kisim save long bekim bilong ol dispela askim taim yu kam harim dispela bikpela tok bilong Baibel bai kamap long planti tausen hap. Long planti hap, ol bai mekim dispela tok long Haus Kingdom bilong ol Witnes Bilong Jehova. Ol Witnes i stap long hap bilong yu bai amamas long tokim yu long taim na ples dispela tok bai kamap long en. Mipela i laik singautim yu long kam harim dispela tok bilong Baibel i kamap long taim stret na i strongim bel bilong ol man.