OL STADI

Yumi inap kisim pasin bilong tok tenkyu na holimpas dispela pasin taim yumi tingim tingim ol blesing yumi gat na tok tenkyu long Jehova long ol dispela blesing. Sapos yumi gat pasin bilong tok tenkyu, dispela bai helpim yumi long karim ol hevi i painim yumi. Yiateks bilong 2015 bai kirapim yumi long tingim dispela samting long yia olgeta.

Dispela stadi i kamapim klia as na yumi mas mekim bung bilong tingim dai bilong Jisas. Em i stori gut long bret na wain long bung bilong Memorial i makim wanem samting, na em i stori tu long olsem wanem man inap save sapos em inap kisim bret na wain, o nogat. Dispela stadi bai helpim yumi olgeta wan wan long save long hau yumi inap redim yumi yet long bung bilong tingim Kaikai Bilong Bikpela.

Ol marit i bungim planti traim na hevi. Tasol sapos ol i larim Jehova i helpim ol, marit bilong ol inap i stap strong na ol inap i stap amamas. Fes stadi bai stori long 5-pela pasin we inap strongim marit, na tu, em bai stori long nambawan pasin we inap kirapim ol marit long bihainim ol dispela 5-pela pasin. Namba 2 stadi bai stori gut long olsem wanem ol marit lain inap strongim marit bilong ol long sait bilong bilip.

Pasin laikim tru namel long man na meri i save kirapim ol long kamapim wanem moa ol pasin? Yu ting pasin laikim inap i stap strong yet? Olsem wanem man na meri inap soim klia olsem ol i laikim tru narapela narapela? Song Bilong Solomon i skulim yumi long rot bilong strongim pasin laikim na bai dispela pasin i ken i stap strong yet inap longpela taim.