Baibel i Tok Wanem?

Yu ting wanpela taim bai kamap na ol man bai mekim stretpela pasin?

Bai yu bekim olsem wanem?

• Yes

• Nogat

• Ating

Baibel i tok

“Bikpela, mi save olsem yu save helpim ol rabisman na ol manmeri i sot long ol samting, taim ol man i mekim nogut long ol.” (Song 140:12) Kingdom Bilong God bai kamapim stretpela pasin long olgeta hap bilong graun.

Yumi kisim wanem skul long Baibel?

• God i lukim ol man i mekim nogut long ol narapela, na em bai stretim dispela hevi. —Saveman 5:8.

• Stretpela pasin bilong God bai bringim bel isi na ol manmeri bai stap gut na i no pret moa.—Aisaia 32:16-18.

Yu ting God i laikim wanpela lain tasol?

Sampela man i tokGod i blesim o givim hevi long sampela lain tasol, na sampela i ting God i save mekim wankain pasin long olgeta man. Wanem tingting bilong yu?

Baibel i tok

“God i save mekim wankain pasin long olgeta man. Na em i save laikim man husat i save pret long em na bihainim stretpela pasin maski em i bilong wanem lain.” (Aposel 10:34, 35) Long tingting bilong God, olgeta manmeri i wankain.

Yumi kisim wanem skul long Baibel?

• Baibel “i gat gutnius” bilong “olgeta kantri, na olgeta lain, na olgeta tokples, na olgeta lain pipol.”—Revelesen 14:6.