I Gat Helpim i Stap!
Bai yu belgut sapos yu inap stretim ol hevi bilong yu long rot bilong Tok Bilong God. Planti brata sista i save stretim gut hevi bilong ol long rot bilong beten na stadi long Baibel. Jehova i save long ol hevi bilong yumi na em i singautim yumi long beten askim em long helpim yumi; no gat narapela man i save gut long ol hevi bilong yumi olsem Jehova. (Hi 4:16; Je 1:2-5: Wastaua [tok Inglis], Julai 1, 1974, p. 414, 415) Bilong helpim yu long painim sampela tok i stori long wanpela hevi stret, na sampela tok bilong Baibel long stretim dispela hevi, yu ken lukim The Watch Tower Publications Index, na indeks i stap long laspela Wastaua na Kirap! bilong olgeta wan wan yia.
Sapos yu mekim pinis ol dispela samting na yu pilim olsem i mas i gat narapela bilong helpim yu, orait, toktok wantaim wanpela elda long kongrigesen bilong yu. Ol elda i save gut long yu na long sindaun bilong yu, olsem na ating ol inap kamapim sampela gutpela tok bilong Baibel bilong helpim yu. Yu mas save, Jehova i givim ol elda long yumi bilong helpim yumi long ol samting bilong spirit.
Sapos hevi i stap yet na i gat gutpela as na yu pilim olsem yu mas i gat sampela helpim moa, orait, yu ken raitim pas long Sosaiti. Sapos yu mekim olsem, gutpela sapos yu raitim nem bilong yu, na kongrigesen bilong yu, na nem bilong ol manmeri i insait long dispela hevi. Sapos yu no kamapim nem bilong yu, Sosaiti i no ken bekim pas long yu. No ken kamapim askim long ol samting i no bin kamap tru tru. Kolim gut olgeta samting bilong dispela hevi na kolim stret; no ken kamapim ol liklik samting i no bilong dispela hevi. Stori long ol samting yu mekim pinis bilong stretim dispela hevi, na i gat wanem as na yu pilim olsem dispela hevi i stap yet. Sosaiti bai kamapim sampela tok bilong Baibel bilong helpim yu. Long pas yu salim long Sosaiti, sapos yu kamapim ol tok ol elda i bin givim long yu bilong stretim dispela hevi, gutpela sapos yu givim wanpela kopi bilong dispela pas long ol elda. Sapos sampela narapela i insait long dispela hevi, orait, taim Sosaiti i bekim pas long yu, ating bai ol i salim wanpela kopi i go long ol elda bambai ol i ken save long ol gutpela tok Sosaiti i bin givim long yu.
This article has been taken from km-E 10/74 “Question Box” but with different title.