Ol Miting Bilong Helpim Yumi Long Kamapim Ol Disaipel

WIK I KIRAP LONG JANUERI 28

Singsing 66

(10 min) Ol toksave bilong kongrigesen.

(15 min) “Bihainim Gutpela Pasin Kristen Taim Yu Autim Tok na Litimapim Nem Bilong God.” Wanpela brata i save gut long mekim tok em i ken mekim dispela tok.

(20 min) “Yu Ting Olsem Wanem long Baibel?” Paslain long miting, makim sampela brata sista i save gut long kaunim tok na bai ol inap kaunim ol dispela paragraf. Taim brata i kaunim pinis wanpela paragraf, kamapim askim long pinis bilong paragraf.

Singsing 20 na beten.

WIK I KIRAP LONG FEBRUERI 4

Singsing 115

(10 min) Ol toksave bilong kongrigesen.

(15 min) “No Ken Les.” Kamapim gut ol bikpela tok. Kirapim ol brata sista long kongrigesen bambai ol i ken wok strong long autim tok na ol i no ken les o bel hevi taim ol man i no laik harim tok o ol i kros na sakim tok bilong ol. Mekim sampela soim long pasin bilong kirapim tok wantaim man. Mekim wok long ol tok i stap long paragraf 4.

(20 min) Yumi Inap Mekim Wanem Bilong i Stap Strong? Toktok wantaim sampela brata na sista na bai ol brata sista long kongrigesen i ken save long ol samting ol i mas mekim bambai ol i ken i stap strong na ol i no ken les.

1. Singautim tupela o tripela brata o sista i go antap long pletfom, em ol i bin mekim wok bilong Jehova inap planti yia pinis na ol i stap olsem gutpela piksa bilong ol narapela i ken bihainim. Givim ol dispela askim long ol.

(a) Wanem samting i laik pasim yu long mekim wok autim tok na yu winim pinis dispela hevi?

(b) Wanem samting i strongim yu na yu no les? (Ol i ken stori long ol samting olsem: Beten, go long olgeta miting, mekim stadi bilong ol yet, ol narapela i strongim ol, na kain samting olsem.)

(c) Yu mekim wanem na bai yu no surik liklik na lusim wok autim tok? (Ol i ken stori long ol samting olsem: Ol i save ol i mas kam oltaim long ol miting, na ol i pilim tru olsem ol i mas pas gut wantaim Jehova na stap pren bilong em.)

(d) Yu mekim wanem na yu stap strong long spirit? (Ol i ken stori long ol samting olsem: Ol elda na ol narapela i bin helpim ol, ol i tingim ol samting bilong spirit pastaim, ol i beten long Jehova.)

2. Nau singautim sampela pikinini i go antap long pletfom, em ol i save autim tok long olgeta taim na ol i save bihainim gutpela pasin na ol narapela i ken bihainim. Givim ol dispela askim long ol.

(a) Wanem samting i helpim yu na yu save autim tok long olgeta taim?

(b) Papamama bilong yu i bin helpim yu olsem wanem?

(c) Ol narapela pablisa i save strongim na helpim yu long wok autim tok o olsem wanem?

(d) Yu putim wanem ol samting i olsem mak yu laik winim long mekim wok bilong Jehova?

Bilong pinisim dispela hap, mekim liklik rivyu long sampela tok ol dispela brata na sista i bin mekim.

Singsing 59 na beten.

WIK I KIRAP LONG FEBRUERI 11

Singsing 4

(10 min) Ol toksave bilong kongrigesen.

(20 min) “Autim Gutpela Tok—Mekim Wok long Ol Liklik Nius na Tanget.” Paslain long miting makim sampela bilong kaunim ol paragraf. Kaunim pinis wanpela paragraf, orait kamapim askim bilong en. Taim yu stori pinis long paragraf 7, nau wanpela pablisa i ken mekim wanpela soim long pasin bilong kirapim stadi taim yumi mekim gobek. Em i ken mekim wok long liklik nius Gutpela Sindaun long Nupela Taim. Makim wanpela pablisa i save gut long mekim ol gobek. Kirapim ol pablisa long bihainim ol dispela pasin long kirapim Baibel-stadi taim ol i go bek lukim ol man. Paslain long miting makim sampela pablisa i bin kirapim sampela Baibel-stadi long dispela rot na bai ol i ken mekim liklik stori long dispela.

(15 min) Yu Inap Mekim Wok Painia Haptaim long Mas o Epril? Wanpela brata i bin mekim wok painia oltaim o painia haptaim na em save long mekim dispela wok em i ken mekim dispela tok. Givim bel long mekim dispela tok na bai ol brata i pilim gut. Singautim sampela i kam antap long pletfom, em ol i bin mekim wok painia haptaim long bipo. Ol i mekim wanem bambai ol inap stretim rot bilong winim ol mak bilong wok painia haptaim? Stori long ol samting ol i mekim bambai ol i redi long mekim dispela wok. Taim bilong Memorial i kam klostu pinis, olsem na kirapim ol pablisa i gat laik long mekim wok painia haptaim long toktok wantaim wanpela elda long dispela samting. Sapos nau yumi strong long kirapim ol long mekim dispela wok, ating bai planti ol i mekim. Na sampela i mekim wok painia haptaim, ating bihain bai ol i gat laik long mekim wok painia oltaim. Ol i ken kisim pepa bilong wok painia long wasman siaman o long kuskus.

Singsing 25 na beten.

WIK I KIRAP LONG FEBRUERI 18

Singsing 42

(10 min) Ol toksave bilong kongrigesen. Ripot bilong ol akaun.

(10 min) “Yu Mas Redi long Tilim Sabskripsen Bilong Wastaua.” Wasman bilong wok autim tok o narapela elda i ken mekim dispela tok.

(10 min) Wok Bilong Brata Bilong Lukautim Ol Buk. Wasman bilong wok autim tok i toktok wantaim brata bilong lukautim ol buk long ol wok bilong dispela brata. Stori long wanem ol buk samting kongrigesen i mas kisim na bai ol inap tilim planti bilong ol dispela buk.

(15 min) “Autim Gutpela Tok—Beten na Mekim Wok.” Paslain long miting makim sampela bilong kaunim ol paragraf. Kaunim pinis paragraf, orait kamapim askim bilong en.

Singsing 87 na beten.

WIK I KIRAP LONG FEBRUERI 25

Singsing 81

(10 min) Ol toksave bilong kongrigesen.

(20 min) “Givim Bel Olgeta long Mekim Wok Bilong Jehova.” Paslain long miting, makim sampela brata i save gut long kaunim tok na bai ol i ken kaunim ol paragraf. Taim brata i kaunim pinis wanpela paragraf, kamapim askim bilong dispela paragraf. Sapos i gat taim, tokim sampela brata long kaunim ol tok bilong Baibel na kamapim insait bilong en. Kirapim ol brata sista long opim Baibel na lukim ol dispela tok.

(15 min) Sampela Stori long Wok Bilong Kingdom. Gutpela sapos yu wokim gutpela mep long blekbot, na bai ol brata sista inap save gut ol dispela ples i stap we.

FRENS GIANA: Dispela kantri i stap long hap bilong not long Saut Amerika, na kirap long mun Septemba, 1990, i gat wanpela brens-ofis bilong ol Witnes Bilong Jehova i stap long dispela hap. Long mun Julai, 1990, lain pablisa i go bikpela inap olsem 660. Inap olsem 1,479 i bung long kibung distrik long Julai na 41 i kisim baptais.

GWADELUP: Fopela kibung distrik i bin kamap long Gwadelup, na 13,021 manmeri i bung long ol dispela kibung na 259 i kisim baptais. Lain pablisa i go bikpela inap 6,233.

NU KALEDONIA: Long mun Ogas, lain pablisa i go bikpela inap 1,165. Long Disemba 15 na 16, 1990, ol i dediketim nupela brens-ofis bilong ol.

NU SILAN: Lain pablisa i go bikpela inap 10 pesen long mun Ogas na 11,515 pablisa i autim tok.

VANUATU: Long dispela hap long mun Ogas, lain pablisa i go bikpela inap 83 pesen na 189 pablisa i autim tok. Sapos yumi skelim olgeta pablisa wantaim olgeta Baibel-stadi, em i olsem olgeta wan wan pablisa i gat tupela Baibel-stadi.

Singsing 4 na beten.